سائنس و ٹیکنالوجی
ٹوئٹر کے معطل اکاؤنٹس کی بحالی کا اعلان
معروف امریکی کمپنی اسپیس ایکس اور ٹیسلا کے بانی ایلون مسک نے ٹوئٹر پر معطل شدہ اکاؤنٹس کے لیے عام معافی کے بعد انکی بحالی کا اعلان کردیا ہے۔
ایلون مسک نے مائیکرو بلاگنگ سائٹ ٹوئٹر پر رائے شماری کے بعد اعلان کیا ہے کہ ٹوئٹر کے معطل کردہ اکاؤنٹس کو عام معافی دی جائے گی۔
انہوں نے ٹوئیٹ کرتے ہوئے اعلان کیا کہ معطل کیئے گیئے کچھ اکاؤنٹس آئندہ ہفتے سے بحال کردیئے جائیں گے۔
The people have spoken.
Amnesty begins next week.
Vox Populi, Vox Dei.
— Elon Musk (@elonmusk) November 24, 2022
ایلون مسک کی جانب سے ٹوئٹر پر کرائی گئی رائے شماری میں 31 لاکھ سے زائد افراد نے حصہ لیا۔
جن میں سے 72.4 فیصد افراد نے معطل اکاؤنٹس کی بحالی کے حق میں ووٹ دیا۔
ایلون مسک نے اپنی ایک اور ٹوئٹ میں معروف کہاوت ’زبانِ خلق کو نقارہ خدا سمجھو‘ کو بھی کوٹ کیا۔
یاد رہے کہ گزشتہ ہفتے ایلون مسک کی جانب سے سابق امریکی صدر ڈونلڈ ٹرمپ اور مشہور کامیڈین کیتھی گرفن کے اکاؤنٹس کو بھی بحال کیا گیا تھا۔
