بھارت: 52 سال بعد خاندان میں بیٹی کی پیدائش، خوشی کی لہر دوڑ گئی
بھارت میں ایک خاندان کے ہاں 52 سال بعد پہلی بچی کی پیدائش نے گھر بھر میں خوشیوں کا سماں پیدا کر دیا، جس کی ویڈیو سوشل میڈیا پر تیزی سے وائرل ہو گئی۔
بھارتی میڈیا کی رپورٹس میں بتایا گیا ہے کہ یہ واقعہ بھارتی ریاست مدھیہ پردیش کے شہر اندور میں پیش آیا، جہاں ایک خاندان نے 52 سال کے طویل انتظار کے بعد پہلی بار بیٹی کا خیرمقدم کیا۔
بچی کی پیدائش خاندان کے لیے ایک یادگار موقع بن گئی اور طویل انتظار کے بعد ننھی پری کی آمد پر رشتے دار خوشی سے نہال ہو گئے۔
وائرل ویڈیو میں خاندان کے افراد کو ایک دوسرے سے گلے ملتے، خوشی کے آنسو بہاتے اور نومولود بچی کا والہانہ انداز میں استقبال کرتے دیکھا جا سکتا ہے۔
بچی کی آمد سے پورے گھر میں خوشی کی لہر دوڑ گئی، جبکہ خاندان کے افراد نے اس لمحے کو بھرپور انداز میں یادگار بنایا۔
ویڈیو نے سوشل میڈیا صارفین کے دل بھی جیت لیے، جہاں لوگوں نے نومولود بچی اور اس کے خاندان کو مبارکباد دیتے ہوئے ان کے لیے نیک خواہشات اور دعاؤں کا اظہار کیا ہے۔
