کیا امریکی صدر جو بائیڈن واقعی ڈونلڈ ٹرمپ کی گولف بال لگنے سے گرے؟
امریکی صدر جو بائیڈن کے گذشتہ روز سائیکل سے گرنے کے بعد ابھی تک تبصروں کا سلسلہ جاری ہے۔
جہاں امریکی عوام نے صدر بائیڈن کے سائیکل سے گرنے کے واقعے پر اپنے سوشل میڈیا اکاؤنٹس سے تبصرے کیے، وہیں سابق صدر ڈونلڈ ٹرمپ بھی اس واقعے پر اپنی ’منفرد رائے‘ دینے میں کسی سے پیچھے نہیں رہے۔
Truth Social کے نام سے سوشل میڈیا سائٹ پر ڈونلڈ ٹرمپ نے ایک خود ساختہ ویڈیو کے ذریعے جو بائیڈن کے سائیکل سے گرنے کا ’’سبب‘‘ بتانے کی کوشش کی۔
جعلی ویڈیو میں ٹرمپ گالف کھیل رہے ہیں۔ اس دوران وہ گولف سٹک سے جیسے ہی بال کو ہٹ کرتے ہیں تو گیند اگلے لمحے جو بائیڈن کو ہٹ کرتی ہے، جس کے بعد وہ سائیکل سے گرتے دکھائی دیتے ہیں۔
BREAKING: Former President of the United States of America, Donald J. Trump, takes to Truth Social to comment on Joe Biden’s recent bicycling mishap with golfing video mocking the situation 😆 pic.twitter.com/hGpdiCIXSB
— JCITY IS CANCELLED 🚫 (@2HOT4AMC) June 18, 2022
اس جعلی ویڈیو پر وائٹ ہاؤس کے حامیوں نے شدید غم وغصے کا اظہار کیا ہے جبکہ ٹرمپ کے ہمنوا اس کاوش پر بغلیں بجاتے دکھائی دیتے ہیں۔
