فواد چوہدری آج کل وزن کم کرنے میں مصروف
فواد چوہدری جو کہ عمران خان کی حکومت کے بہترین کھلاڑی ہیں، اکثر اپنے بیانات کی وجہ سے میڈیا کی توجہ کا مرکز بنے رہتے ہیں۔ لیکن اب ان کی کچھ تصاویر سامنے آئی ہیں جن میں انکا وزن حیران کن طور پر کافی کم نظر آ رہا ہے۔
ان سوشل میڈیا پر گردش کرتی ہوئی ویڈیو اور تصاویر میں واضح طور پر دیکھا جا سکتا ہے کہ وہ وزن کم کرنے اور جسم میں چستی پیدا کرنے کیلئے جم میں باکسنگ کر رہے ہیں۔
اور باکسنگ بھی ایک پروفیشنل کی طرح کر رہے ہیں یہی وجہ ہے کہ ان کے جم کے مالک کا کہنا تھا کہ جب یہ آئے تھے تو انہیں ورزش کرنے میں کافی مسائل پیدا ہوتے تھے مگر کچھ ہی دنوں میں وہ وزن کم کرنے والی مشین جسے ٹریڈ مل کہا جاتا ہے اس پر خوب تیزی سے بھاگتے تھے۔ ساتھ ہی ساتھ یہ بھی کہا کہ حکومت میں جب تھے تو بہت زیادہ مصروف رہتے تھے جس کے باعث اپنی فٹنس پر توجہ نہیں دے پا رہے تھے۔
مزید یہ کہ اب انکی کچھ اور بھی تصاویر سامنے آئی ہیں جن سے دیکھ کر یہ اندازہ ہوتا ہے کہ یہ جم میں بھی ورزش کرتے ہیں بلکہ اس کے علاوہ بھی پارکس وغیرہ میں بھاگتے ہیں جس سے انکا وزن تیزی سے گرا۔
اب یہ اپنی عمر سے بھی کم نظر آتے ہیں۔ یہی وجہ ہے کہ پیپلز پارٹی کے ناصر حسین شاہ نے انکی تصویر پر تبصرہ کیا کہ آپ کا وزن تیزی سے کم ہو رہا ہے ۔
آپ کا وزن تیزی سے کم ہورہا ہے https://t.co/GxKaKJGKsz
— Syed Nasir Hussain Shah (@SyedNasirHShah) April 19, 2022
واضح رہے کہ یہ تصویر فواد چوہدری نے سماجی رابطے کی ویب سائٹ ٹویٹر پر شیئر کی۔ تصویر میں یہ اپنے لیڈر عمران خان کے چہرے والی شرٹ پہنے دیکھائی دے رہے ہیں۔
