گدھوں کا عالمی دن آج منایا جارہاہے، سب سے زیادہ محنتی گدھے پاکستان میں پائے جاتے ہیں؟
گدھوں کا عالمی دن ہر سال 8 مئی کو منایا جاتا ہے۔ یہ ایک ایسا دن ہے جو گدھے کو پہچاننے اور ان کی بہت سی حیرت انگیز خصوصیات کی طرف توجہ دلانے کے لیے وقف ہے۔ کئی سالوں سے گدھا انسانوں کی بڑی خدمت کر رہا ہے۔ پوری دنیا میں، اس جانور نے بوجھ اٹھاکے ایک مزدور کے طور پر کام کیا ہے۔ یہ سخت آب و ہوا اور سخت خطوں والے علاقوں میں بھی زندہ رہا اور پروان چڑھا ہے۔ گدھے اپنی برداشت اور استقامت کے لیے مشہور ہیں۔ایک تحقیق کے مطابق پاکستان میں سب سے زیادہ گدھوں سے کام لیا جاتا ہے ۔
گدھے کا عالمی دن ایک سائنسدان آرک رازق نے بنایا تھا جس کی توجہ صحرائی جانوروں پر مرکوز ہے۔ اس نے محسوس کیا کہ محنتی گدھے کو ہمارے معاشرے کی تعمیر میں اس کی کوششوں کے لیے تسلیم نہیں کیا جا رہا ہے۔ ۔ اس نے جانوروں کے بارے میں بات کرنے والا ایک فیس بک گروپ بنا کر آغاز کیا۔ 2018 میں، عالمی گدھے کا دن باضابطہ طور پر قائم کیا گیا اور تب سے یہ ہر سال منایا جاتا ہے۔ اس کا مقصد گدھوں کے بارے میں معلومات پھیلانا ہے اور یہ کہ وہ انسانی زندگیوں کو کیسے متاثر کرتے ہیں۔
اس محنتی جانور کی طاقت اور مشقت کےلئے یہ دن منایا جاتا ہے۔ گدھے میلوں تک بھاگنے کی صلاحیت رکھتے ہیں، وہ دوسرے جانوروں کے مقابلے میں زیادہ لمبا اور مشکل کام کر سکتے ہیں۔ ان کی دوڑنے کی رفتار 31 میل فی گھنٹہ تک پہنچ سکتی ہے۔ ان کی زندگی کا دورانیہ 50 سے 54 سال کے درمیان ہے۔ انہیں قدرت کی طرف سے ایک شاندار تحفہ سمجھا جاتا ہے۔ پوری دنیا میں لاکھوں گدھے ہیں اور ان کا خاصا اثر ہے۔
