ملک بھر میں آج انٹرنیٹ سروس متاثر ہوگی
پاکستان ٹیلی کمیونیکیشن اتھارٹی (پی ٹی اے) نے دو روز قبل کہا تھا کہ 21 اپریل کو انٹرنیٹ سروسز میں تعطل رہے گا جس کی وجہ سے صارفین کو جمعرات کے روز انٹرنیٹ کی سست رفتاری کا سامنا ہوسکتا ہے۔
تفصیلات کے مطابق پاکستان ٹیلی کمیونی کیشن اتھارٹی (پی ٹی اے) کے مطابق بین الاقوامی سمندری پاور کیبل کے ایک حصے پر پاور کی ری کنفیگریشن سرگرمی کے باعث انٹرنیٹ رفتار میں کمی آئے گی۔
سماجی رابطے کی ویب سائٹ ٹوئٹر پر جاری بیان میں پی ٹی اے نے کہا تھا کہ کچھ انٹرنیٹ صارفین کو رفتار میں کمی کا سامنا کرنا پڑ سکتا ہے۔
⚙️ بین الاقوامی سب میرین کیبل، ایس ایم ڈبلیو4 کے ایک حصے پر پاور ری کنفیگریشن سرگرمی 21 اپریل 2022 کو صبح 02:00 بجے سے صبح 7:00 بجے تک کی جائے گی۔ اس کی وجہ سے کچھ انٹرنیٹ صارفین کو صرف مذکورہ وقت کے دوران رفتار میں کمی کا سامنا کرنا پڑ سکتا ہے۔
— PTA (@PTAofficialpk) April 19, 2022
پی ٹی اے کا کہنا تھا کہ ضرورت کو پورا کرنے اور صارفین کو فعال و بلاتعطل انٹرنیٹ خدمات کی فراہمی کے لیے متبادل اقدامات کیے جائیں گے۔
