پاکستان کیخلاف مہم جوئی سے انکار، بھارتی لیفٹیننٹ جنرل فارغ، دو یونٹس کی لڑائی میں 5 سکھ اہلکار ہلاک

کراچی: مودی حکومت نے پہلگام فالس فلیگ آپریشن کے بعد پاکستان کے خلاف فوری طور پر مہم جوئی سے انکار کرنے والے بھارتی لیفٹیننٹ جنرل ایم وی سچندر کمار کو کمانڈر ناردرن کمانڈ کے عہدے سے ہٹا دیا،

بھارتی میڈیا کی رپورٹ کے مطابق پہلگام حملے کے بعد پاکستان کیخلاف مہم جوئی سے انکار کرنے والے بھارتی لیفٹیننٹ جنرل کو عہدے سے ہٹادیا گیا ہے ۔

رپورٹ کے مطابق انہیں پاکستان کے خلاف کارروائی کرنے کا حکم دیا گیا تھا تاہم جنرل ایم وی ایس کمار نے مہم جوئی سے گریز کرنے کی پالیسی اپنالی تھی۔

دوسری جانب مقبوضہ کشمیر کے ضلع بارہ مولہ سیکٹر میں برہمن فوج کی دو یونٹوں کے درمیان جھڑپ کے نتیجے میں پانچ سکھ فوجی ہلاک ہو گئے۔

دفاعی ماہرین کا کہنا ہے کہ یہ واقعہ بھارتی فوج میں پائی جانے والی بوکھلاہٹ کی جانب واضح اشارہ ہے۔