اسلام آباد: ملک بھر میں گزشتہ 24 گھنٹوں کے دوران کورونا کے 26 نئے کیسز رپورٹ ہوئے جبکہ 14 مریضوں کی حالت تشویشناک ہے۔
قومی ادارہ صحت کی رپورٹ کے مطابق ملک بھر میں گزشتہ 24 گھنٹوں کے دوران 3 ہزار 488 کورونا کے ٹیسٹ کیے گئے جن میں سے 26 میں کورونا کی تشخیص ہوئی۔
COVID-19 Statistics 28 December 2022
Total Tests in Last 24 Hours: 3,488
Positive Cases: 26
Positivity %: 0.75%
Deaths: 00
Patients on Critical Care: 14— NIH Pakistan (@NIH_Pakistan) December 28, 2022
ملک بھر میں گزشتہ 24 گھنٹوں کے دوران کورونا وائرس کے مثبت کیسز کی شرح 0.75 فیصد رہی اور مہلک وائرس کے باعث کسی شہری کی ہلاکت کی اطلاع موصول نہیں ہوئی، تاہم کورونا کے 14 مریضوں کی حالت تشویشناک ہے۔
دوسری جانب نیشنل ڈیزاسٹر مینجمنٹ اتھارٹی (این ڈی ایم اے) کے چیئرمین، لیفٹیننٹ جنرل انعام حیدر ملک کا کہنا ہے کہ کووِڈ کی نئی اقسام کے بارے میں فکر مند ہونے کی ضرورت نہیں ہے کیونکہ پاکستان میں پچھلے کچھ دنوں میں کوئی نیا کیس رپورٹ نہیں ہوا ہے۔
