میں جینٹس کے ساتھ تصویر نہیں لیتی، ندا یاسر
پاکستان کی مشہور مارننگ شو ہوسٹ اور اداکارہ ندا یاسر نے اپنے ایک مداح کے ساتھ تصویر لینے سے انکار کردیا ۔
یاسر نواز کی اہلیہ ندا یاسر کی ایک ویڈیو واءرل ہورہی ہے جس میں دیکھا جاسکتا ہے کہ وہ کسی شاپنگ مال میں موجود ہے جہاں ایک مداح ان سے کچھ بات کرنے کی کوشش کررہا ہے ۔
بات کرنے کے بعد ندا یاسر تھوڑا آگے ہی بڑھتی ہیں کہ مداح پیچھے سے آواز دیتا ہے اوراپنے ساتھ تصویر لینے کا کہتا ہے تاہم ندا رکے بغیر فوراً ہی پیچھے کی جانب مڑ کر تصویر لینے سے انکار کردیتی ہیں اور ساتھ ہی یہ بھی کہتی ہیں کہ ‘میں جینٹس کے ساتھ تصویر نہیں لیتی۔
View this post on Instagram
ندا یاسر کی وائرل ویڈیو پر جہاں چند سوشل میڈیا صارفین سخت تنقید کررہے ہیں جب کہ میزبان کے اس رویے کو نامناسب قرار دیا جارہا ہے، وہیں ان کے مداح کا کہنا ہے کہ ندا کے شوہر یاسر نواز کو یہ پسند نہیں جس کا ذکر ندا پہلے کر چکی ہیں۔
