نیویارک: وزیراعظم شہباز شریف سے نیویارک میں نوبیل انعام یافتہ ملالہ یوسفزئی نے نے ملاقات کی جس دوران مختلف امور پر گفتگو کی گئی۔
تفصیلات کے مطابق وزیراعظم شہباز شریف اور ملالہ یوسف زئی کی ملاقات اقوام متحدہ (یو این) جنرل اسمبلی اجلاس کے موقع پر ہوئی جس دوران وزیراعظم نے لڑکیوں کی تعلیم اور سماجی ایشوز پر ملالہ کی خدمات کو سراہا۔
ذرائع کے مطابق وزیراعظم نے ملاقات کے د وران موسمیاتی تبدیلی سے ہونے والے نقصانات کے علاوہ پاکستان میں سیلاب سے ہونے والی تباہی پر روشنی ڈالی۔
Today I met with Prime Minister @CMShehbaz to discuss the urgent needs of people affected by floods in Pakistan. We are calling on the international community to ease debt pressure and provide immediate humanitarian support. pic.twitter.com/ZwAztdBgnA
— Malala (@Malala) September 23, 2022
اس موقع پر وزیراعظم شہباز شریف نے کہا کہ لڑکیوں کی تعلیم کے فروغ کیلئے ملالہ فنڈ کی وزارت تعلیم کے ساتھ شراکت داری کو سراہتے ہیں جبکہ ملالہ یوسف زئی نے لڑکیوں کی تعلیم کے فروغ کیلئے اپنے عزم کا اعادہ کیا۔
