کراچی : کراچی کے حلقہ این اے 240 کے ضمنی انتخاب میں ایم کیو ایم نے میدان مار لیا ہے جبکہ ٹی ایل پی نے دوسری پوزیشن حاصل کی ہے۔ مہاجر قومی موومنٹ تیسرے نمبر پر رہی۔
اطلاعات کے مطابق این اے 240 کے تمام 309 پولنگ سٹیشنز کا غیر سرکاری اور غیر حتمی نتیجہ آگیا ہے۔ ایم کیو ایم پاکستان کے محمد ابوبکرنے 10683 ووٹ لے کر میدان مار لیا ہے۔ ٹی ایل پی کے شہزادہ شہباز 10618 ووٹ لے کر دوسرےنمبرپر ہیں۔
حلقہ این اے 240 کے ضمنی انتخاب میں تحریک لبیک پاکستان (ٹی ایل پی) نے ری کاؤنٹنگ میں جانے کا فیصلہ کر لیا۔
تفصیلات کے مطابق قومی اسمبلی کے حلقہ این اے 240 کا غیر حتمی غیر سرکاری نتیجہ سامنے آنے کے بعد رکن صوبائی اسمبلی مفتی قاسم فخری نے اعلان کیا کہ الیکشن کمیشن میں ری کاؤنٹنگ کی درخواست کی جائے گی۔کانٹے دار مقابلے کے بعد ایم کیو ایم پاکستان کے امیدوار 62 ووٹ سے جیتے جبکہ ٹی ایل پی نے دوسری پوزیشن حاصل کی۔
واضح رہے کہ غیر حتمی غیر سرکاری نتیجے کے مطابق گزشتہ روز کراچی کے حلقہ این اے 240 کے ضمنی انتخاب میں ایم کیو ایم پاکستان کے محمد ابوبکرنے 10683 ووٹ لے کرمیدان مار لیا جبکہ ٹی ایل پی کے شہزادہ شہباز نے10618 ووٹ لے کر دوسری پوزیشن حاصل کی اور مہاجر قومی موومنٹ کے امید وار تیسرے نمبر پر رہے۔
