شہباز گل نے اپنے ساتھ موٹروے پر پیش آنے والے ٹریفک حادثے کو قاتلانہ حملہ قرار دیدیا ہے ، جبکہ دوسری جانب حافظ آباد پولیس نے سابق معاون خصوصی کی گاڑی کو ٹکرمارنے والے شہری کو حراست میں لے لیا ہےجبکہ گاڑی بھی برآمد کر لی گئی ہے ۔
شہباز گل کی گاڑی کے ساتھ ٹکرانے والی گاڑی کا سراغ مل گیا حادثے کے وقت گاڑی چلانے والے شخص وجاہت علی کو حراست میں لیا گیا ہے اس نے یہ گاڑی طاہر نذیر سے کرائے پر لی تھی حافظ آباد پولیس کو اس معاملے میں شہباز گل کا بیان بھی لینا چاہئیے جن کا الزام ہے کہ انہیں جان بوجھ کر ہٹ کیا گیا pic.twitter.com/0kafwCHWOE
— Hamid Mir (@HamidMirPAK) May 6, 2022
سینئر صحافی حامد میر نے ٹویٹر پر پیغام جاری کرتے ہوئے شہری وجاہت علی اور اس کی گاڑی کی تصویر جاری کی ، سینئر صحافی کا کہناتھا کہ شہباز گل کی گاڑی کے ساتھ ٹکرانے والی گاڑی کا سراغ مل گیا ،حادثے کے وقت گاڑی چلانے والے شخص وجاہت علی کو حراست میں لیا گیا ہے اس نے یہ گاڑی طاہر نذیر سے کرائے پر لی تھی حافظ آباد پولیس کو اس معاملے میں شہباز گل کا بیان بھی لینا چاہیے جن کا الزام ہے کہ انہیں جان بوجھ کر ہٹ کیا گیا۔
