سابق وزیراعظم عمران خان نے ٹوئٹر اسپیس پر خطاب کے دوران نیا ریکارڈ اپنے نام کرلیا ہے۔
سابق وزیراعظم عمران خان کو وزارت عظمیٰ کے منصب سے ہٹانے کے بعد پاکستان تحریک انصاف ( پی ٹی آئی ) کی جانب سے زبردست عوامی رابطہ مہم کا آغاز کیا گیا ہے۔ 10 اپریل کے اقدام پر پاکستان بھر میں تحریک انصاف کے کارکنوں اور حامیوں نے اتوار کو عمران خان کی کال پر ملک گیر احتجاج کیا۔ بعد ازاں پارٹی قائد کی جانب سے پشاور اور کراچی میں بھی یکارڈ توڑ جلسے کیے گئے۔
عوام کی جانب سے زبرست پذرائی ملنے پر عمران خان نے ٹویٹ میں اپنے جذبات کا اظہار کرتے ہوئے پاکستانیوں کا شکریہ ادا کیا تھا اور کہا تھا کہ ایک کال پر اتنی بڑی تعداد میں احتجاج کیلئے جمع ہونا امپورٹڈ حکومت نا منظور پر مہر ثبت کرتا ہے۔
عوامی رابطہ مہم کے اسی سلسلے کو آگے بڑھاتے ہوئے سابق وزیراعظم عمران خان نے گزشتہ روز بدھ 20 اپریل کو ٹوئٹر اسپیس ( ٹوئٹر آڈیو روم) پر عوام سے خطاب کیا۔ اس موقع پر عمران خان نے ٹوئٹر اسپیس پر نیا ریکارڈ بھی اپنے نام کیا۔ اس سے قبل ٹوئٹر اسپیس پر اتنی بڑی تعداد میں صارفین کسی بھی اسپیس کا حصہ نہیں بنے تھے۔
پاکستان تحریک انصاف ( پی ٹی آئی) کی جانب سے جاری اعداد و شمار کے مطابق گزشتہ شب ہونے والے پی ٹی آئی کے ’ٹوئٹر اسپیس‘ میں سابق وزیراعظم عمران خان کا لائیو خطاب سننے کیلئے ریکارڈ صارفین نے شرکت کی۔
عمران خان کے ٹوئٹر اسپیس پر خطاب نے تمام اگلے پچھلے ریکارڈز توڑ دیے۔ پی ٹی آئی کے سوشل میڈیا اکاؤنٹ پر بتایا گیا کہ عمران خان کی اسپیس میں شرکت کرنے والوں کی تعداد 1لاکھ 65 ہزار تک پہنچ گئی تھی جو ٹوئٹر کی اسپیس کی تاریخ میں ایک ریکارڈ ہے۔
ٹوئٹر کی تاریخ میں اب تک چیئرمین پی ٹی آئی کی اسپیس میں ایک لاکھ 65 ہزار افراد نے شرکت کی، اس کے علاوہ دوسرا نمبر میوزک بینڈ ’کے پوپ‘ کا ہے۔
