ملک میں عالمی وبا کورونا سے نمٹنے اور پالیسیاں بنانے کے لیے تشکیل دیئے گئے نیشنل کمانڈ اینڈ آپریشن سینٹر کو ختم کردیا گیا
سماجی رابطے کی ویب سائٹ ٹوئٹر پر وفاقی وزیر اسد عمر کا کہنا ہے کہ آج نیشنل کمانڈ اینڈ آپریشن سینٹر کا آخری دن ہے، ملک میں کورونا کیسز کی شرح انتہائی کم ہوچکی ہے اور ویکسی نیشن کی شرح میں بھی مجموعی طور پر ضافہ ہوا ہے۔
Today is last day of NCOC operation. With covid indicators at all time lows & high level of vaccination, baton now being passed on to health ministry. Chairing NCOC during last 2 years & working with the most dedicated team has been the greatest privilege and honour of my life.
— Asad Umar (@Asad_Umar) March 31, 2022
اُن کا کہنا تھا کہ این سی او سی کی ذمہ داریاں وزارت صحت کو سونپی جارہی ہیں بعدازاں انہوں نے کہا کہ 2 سال تک این سی اوسی کی سربراہی کرنا میرے لیے بہت بڑا اعزا رہا۔
اسد عمرنے کہا کہ اللہ کی رحمت اور پوری قوم کے تعاون سے ہم اس بے مثال چیلنج پر قابو پانے میں کامیاب ہوئے ہیں۔ ایک پاکستانی کے طور پر مجھے فخر ہے کہ عالمی ایجنسیوں اور شخصیات کی جانب سے پاکستان کو کورونا پالیسی کے لیے دنیا کے کامیاب ترین ممالک میں سے ایک کے طور پر سراہا گیا۔
