میرپورخاص میں آلودہ سرنج اورغیرمحفوظ انتقال خون کے سبب ایڈز کے پھیلاؤ میں اضافہ ہونے لگا۔
ایڈز کنٹرول سندھ کی سالانہ رپورٹ 2021,22 کے مطابق یہ انکشاف ہوا ہے کہ سندھ میں ایچ آئی وی کے 19ہزار 7سو 66مریض رجسٹرڈ ہیں جن میں میرپورخاص کی خواتین کی تعداد تین ہزار چار سو پچیس ہے۔
تفصیلات کے مطابق خون کی منتقلی کی وجہ سے دو ہزار پچیس افراد اس مرض میں مبتلا ہوئے ہیں جن میں میرپورخاص کے نشہ کرنے والے افراد بھی شامل ہیں جو کہ استعمال شدہ سرنج کو کئی بار استعمال کرتے ہیں۔
مزید تفصیلات کے مطابق حجاموں کی دکانوں پر استعمال شدہ بلیڈ اور تولیا کئی بار استعمال کرنا بھی ایڈز کے مرض میں اضافے کی وجہ بتائی گئی ہے‘اس کے علاوہ میرپورخاص میں عطائی ڈاکٹر اور زچگی کرنے والی ماسیاں بھی ایڈز کے پھیلا کا سبب بن رہی ہیں ۔
