جماعت اسلامی کے وفد کی علی زیدی سے ملاقات

پی ٹی آئی وفد کی قیادت صوبائی صدر علی زیدی کر رہے ہیں جبکہ دیگر رہنماؤں میں جنرل سیکریٹری سندھ مبین جتوئی اور بلال غفار بھی شامل ہیں۔

یاد رہے کہ چند روز قبل پیپلز پارٹی کے وفد نے جماعت اسلامی کے دفتر کا دورہ کیا تھا اور میئر کراچی کے معاملے پر بات چیت کی تھی۔

پیپلز پارٹی کراچی کے صدر سعید غنی کا کہنا تھا ہماری پہلے روز سے کوشش ہے کہ جماعت اسلامی کے ساتھ مل کر کراچی کی بہتری کے لیے کام کریں، میئر شپ کا معاملہ بات چیت کے ذریعے سے حل ہو سکتا ہے۔

دوسری جانب جماعت اسلامی کا مؤقف ہے کہ ہماری جیتی ہوئی نشستوں کو شکست میں تبدیل کیا جا رہا ہے، جب تک ہماری نشستیں ہمیں واپس نہیں کی جاتیں تو اس وقت تک بات چیت آگے نہیں بڑھ سکتی۔