پاکستان تحریک انصاف کے رہنما فردوس شمیم نقوی نے پولنگ اسٹیشنزمیں بیلٹ باکس کی سیل کھلی ہونے کی ویڈیو شیئرکرتے ہوئے صاف شفاف الیکشن کا مطالبہ کردیا۔
الیکشن کمیشن نے ممبر صوبائی اسمبلی کو پولنگ اسٹیشن سے بے دخل کرنے کا حکم دے دیا۔
معاملے پر صوبائی الیکشن کمشنر سے الیکشن کمیشن نے فوری رپورٹ طلب کرلی۔ ترجمان کا کہنا ہے کہ یہ غیر قانونی حرکت اور ضابطہ اخلاق کی خلاف ورزی ہے۔
فردوس شمیم نقوی نے ٹوئٹرپرویڈیوز شیئرکیں تھیں جن میں وہ کسی پولنگ اسٹیشن میں موجود ہیں اور بیلٹ باکس کا پلاس اٹھائے معائنہ کررہے ہیں۔
صبح سے کوئی بھی عاملہ موجود نہیں پولنگ سٹیشن میں ۔ ایک کمرے میں 5 باکس رکھے ہوئے ہیں۔ کوئی خاتون عملہ موجود نہیں الیکشن کمیشن کی طرف سے۔ پریذائیڈنگ آفیسر کی کوئی ٹریننگ نہیں۔تمام باکس کی سیل کھلی ہے۔الیکشن کمیشن والو شرم سے ڈوپ مارنے کا مقام ہے۔ یہ کام امیدوار کا نہیں ہے۔ pic.twitter.com/hG6XWyHDtA
— Firdous Shamim Naqvi (@Fsnaqvi) January 15, 2023
اس دوران بیلٹ باکس کی سیل ڈھیلی ہونے پروہ شکایت کرتے ہیں تو پریزائیڈنگ آفیسرکی جانب سے تعاون کرنے کی درخواست کرتے ہوئے بتایا جارہا ہے کہ ان کا عملہ نیا ہے اور ابھی اتنا تجربہ کارنہیں۔
پی ٹی آئی رہنما نے اپنی ٹویٹ میں لکھا کہ کسی بھی پولنگ سٹیشن میں سیل موجود نہیں،وہ پلاس لے کر آئے ہیں تا کہ سب باکس سیل ہوجائیں۔
واضح رہے کہ سندھ میں بلدیاتی انتخابات کے دوسرے مرحلے کے لیے کراچی اور حیدرآباد کے 16 اضلاع میں پولنگ جاری ہے۔
