برف پر قدرتی نقش و نگاری نے دیکھنے والوں کو دنگ کر دیا
قدرت کے بے شمار کرشمے ہمیں اپنے کمالات سے حیرت میں مبتلا کر دیتے ہیں، ایسے ہی ایک قدرتی منظر کی جھلک سوشل میڈیا پر مقبول ہو رہی ہے۔
حال ہی میں سوشل میڈیا پلیٹ فارم ٹوئیٹر پر شمال مشرقی چین کے دریا سونگھوا کی ایک تصویر شیئر کی گئی ہے۔ جہاں اس وقت موسم سرما اپنے عروج پر ہے اور دریا نے برف کی چادر اوڑھی ہوئی ہے۔
Wonderful! ❤️
Ice flowers on Songhua River in northeast China 🇨🇳. pic.twitter.com/9x6z6zlDEi
— Erik Solheim (@ErikSolheim) December 30, 2022
شیئر کی گئی تصویر میں دیکھا جاسکتا ہے کہ دریا میں برف پر ایک خوبصورت پھول جیسا ڈیزائن بنا ہوا ہے جسے صارف کی جانب سے برف کے پھول کا نام دیا گیا ہے۔
اس تصویر کی مزید خوبصورتی سورج کی سنہری کرنیں ہیں، جو نا صرف دریا بلکہ برف کے پھول کو بھی مزید نمایاں کررہی ہیں۔
اس تصویر کے شیئر ہونے کے بعد سوشل میڈیا صارفین کی جانب سے مختلف تبصروں کا سلسلہ جاری ہے، کسی نے اسے قدرت کا حسن کہا، تو وہیں کسی نے اسے قدرت کا جادو قرار دیا۔
