پاکستان پیپلزپارٹی خواتین ونگ کی صدر اور پارٹی چیئرمین بلاول بھٹوزرداری کی پھپھو فریال تالپور تو فی الحال صوبے کے سیلاب متاثرین کی مدد کے لیے آگےنہیں آئیں لیکن ان کے شوہر نے ہمدردی کی نئی تاریخ رقم کردی ہے۔
سوشل میڈیا پر فریال تالپورکے خاوند اور رکن قومی اسمبلی منور تالپورکی ایک ویڈیو وائرل ہے جس میں وہ متاثرین میں گھرے امدادی رقم تقسیم کررہے ہیں۔
الحمداللہ ۔۔۔ سندھ حکومت جاگ گی اور سیلاب زدگان میں 50-50 کے نۓ نوٹ تقسیم کر دئیے۔ pic.twitter.com/pUF2wKJOdr
— Ihtisham Ul Haq (@iihtishamm) August 26, 2022
ایک ویڈیو کلپ میں منورتالپور کو 50 روپے کے نوٹوں کی گڈی ختم ہوجانے کے بعد واپس جانے سے قبل تالیاں بجانے کا اشارہ کرتے ہوئے بھی دیکھا جاسکتا ہے۔
منورتالپور کی جانب سے بے یارومددگار متاثرین کو فی کس 50 روپے دیے جانے پریہ ویڈیودیکھنے والے سوشل میڈیا صارفین نےسندھ کا امیرترین خاندان ہونے کے باوجود ایسی امداد پرشدید تنقید کا نشانہ بنایا۔
